本來打算3晚都住係CAMPOBAG ROOM, 但我因為要探我係台南既朋友, 所以只係住到1晚咁多… 去左咁多次台灣, 平時都係去台北多, 上次去高雄3日就落足3日雨, 完全無心機行。今次再有機會去台南市, 好彩無落雨, 由於今次係既行程係即興, 去邊度都係隨心….用左2日時間去左平時我唔會識行去既地方, 包括好多間廟宇、七股鹽山、2個唔知邊度既海邊、安平夜市…食左好多野, 我最鍾意就係鹹味既烏梅雪條呀! 其實仲有好多地方我想去, 但由於唔夠時間, 所以要留返下次先再去啦…ByeBye啦台南, I will be Back!
一返到台北就落大雨, 所以就去左CAMPOBAG ROOM啦! 一入到去, 見到間房既精心佈置, 俾到我好WARM既感覺, 我最鐘意就係果張櫈…坐上去好RELAX!! 雖然我無咩藝術既天份(我有的只是少少表演藝術), 但我好欣賞大家一番心機既佈置!! 加上地點近捷運站, 價錢非常合理, 下次再來台北一定會再住, 希望到時BOOK到房啦!!
訓左一晚好既, 早上就出發去信義誠品, 果度有好多野行, 有好多書, 好多精品, 仲有CAMPOBAG唔同ARTIST既產品, 一行就行左大半日!! 之後出發就去士林夜市再行過, 呢個夜市除左大之外, 仲有好多野睇。行完都仲未夠, 再去埋饒河街夜市, 呢個夜市有我想食既野 – “爆醬”黃金雞腿捲, 好多人都排隊買呀, 而我係當晚最後一個顧客, 因為俾我清晒佢貨….哈哈!!
最後一日既旅程, 就係去左東區…買手信。小林煎餅, 阿默蛋糕, 星野銅鑼燒…太多了…仲有掃好左好多DR. WU!!再行埋微風廣場, 好滿足…係時候起程返香港啦! 好唔捨得呀!! 又再等幾個月先可以再黎啦…台灣, I Miss You!! 諗返起, 點解我會認識到CAMPOBAG既呢? 事緣係有一次我係台灣既機場買左一張米奇鰻既貼紙, 從此就愛上了…返到香港仲念念不忘, 想買多幾張, 諗盡辦法搵到聯絡人…就係小麥啦! 好高興能夠認識到你地, 我會繼續支持你地既原創風格!! 希望黎緊有機會參與你地既活動!!
粉絲 Carmen上
CAMPOBAGroom http://campobag.blogspot.com/p/campobagroom.html
沒有留言:
張貼留言